Erraten da Twitchen bideojokoekin zerikusia duen edukia baino ez dela aurkitzen eta oker daude. Askotariko edukiak daude, askotariko hizkuntzetan. Baita euskaraz ere.
Aber.. egia erran behar badut, nik bideojoetan oso txarra naiz, eta beraz, nik Twitchen kontu kontari ibiltzen naiz. Barre egitearekin, gauza berriak ikastearekin eta jaten gozatzearekin batera, hitz egitea nire egunerokotasunaren ezinbestekoak dira.
Abenduan urtebete beteko da plataforma honetan zuzenekoak egiten hasi nintzenetik. Ordutik askotariko edukia sortzen joan naiz: elkarrizketak, joko kolaboratiboak, dokumentalak elkarrekin ikusi eta komentatzea…
Irailarekin batera ‘Zenbait Meloi, Hainbat Mazedonia’ (milesker @Ionliz izena proposatzeagatik) saioa martxan jarri dugu Unai Guenaga Urrestilla ta biok.
Eta galdetuko duzue: baina zuek ze egongo zarete, zuzenean meloiak buruarekin irekitzen ala?
Baaaa hori ikustea (egitea ez dut uste) interesgarria balitz ere, ‘Zenbait Meloi, Hainbat Mazedonia’ saioan, atal bakoitzean, zabal bezain sakona den gai bati heltzen diogu. Gure bizipenetatik eta esperientzietatik jorratzen ditugu gaiak eta gu kamera aurrean bagaude ere, txatean idazten dutenek, zein audio bidez sartzen direnak ere saioaren parte dira.
Asteazkenero egiten dugu saioa. 21:00ean streaming bidez zuenean solasten gara nire Twitcheko kanalean eta gerora Youtubera zatitxo bat igotzen dugu, baita podcast plataformetara ere:
- Asteazkenero 21:00tan Twitchen.
- Igandero 12:00tatik aurrera Youtuben.
- Igandero 12:00tatik aurrera Spotify, Apple Podcast, Ivoox, etab.
Eta gainera.. Berrian agertu gara: Lea Artibaiko Hitza | Nafarroako Hitza
